Nota de paso. 2010
Si “Turlough Carolan”, “Turlough Ó Carolan” u “Turlough O’Carolan” (trazas anglicanizatas de l’irlandés “Toirdhealbhach Ó Cearbhalláin”) ese naxito en cualsiquier lugar d’Aragón, de seguras que s’aberba mullato muito menos. Pero si no estión os ruxazos d’Edimburgo los que l’ispirón ixas melodías, puestar que ese composato cantas iguals como as que toca la colla O’Carolan en Nota de paso.
L’arpista ziego, composador muito renombrato, zede o nombre á la colla Zaragozana que leba tres treballos consagratos á la obra de l’irlandés. En iste cuatreno, Miguel Ángel Fraile y amigos tornan ta lo territorio que lis acubilla y s’esplayan con temas tradizionals aragoneses, pero con una embista “O’Carolaniera”.
“O’Carolinizar” o repertorio popular aragonés parixe una erechía. Qué pintarán os irlandeses astí! podérbanos pensar. Pero no, amigos, isto no son as zarzuelas de Luís Cobos. A sensibilidá d’unos mosicos que leba tantas añadas empentando lo autentico folclore aragonés nunca no podrá fer mal ta la cultura popular aragonesa. Por cuenta, una embista zelta de temas d’astí, tañitos por O’Carolan eleban a nuestra cultura ta un ran esferén. Atra cosa.
O son laminato de a grabazión en Luna Nueva de Zaragoza ye ta sentir con os zinco sentitos. O diseño de o DP se plasma en una caxa desplegable con tapas de cartón con pinturas bien pinchas.
Si Turlough O’Carolan debantase a capeza, demandaba os dreitos d’autor d’iste disco.
Ummagumma 1967
Nota: Pink Floyd son angleses.
